Жалпы ақуыз — қанның негізгі биохимиялық көрсеткіштерінің бірі. Жалпы ақуыз деңгейін анықтау зат алмасу бұзылыстарын, бауыр және бүйрек патологияларын, онкологиялық ауруларды диагностикалауға, сондай-ақ емнің тиімділігін бақылауға мүмкіндік береді.

Триглицеридтер — ағза үшін негізгі энергия көздерінің бірі болатын қарапайым майлар. Қандағы триглицеридтер концентрациясының артуы жүрек-қантамыр ауруларының, бауыр және ұйқы безі ауруларының қаупін арттырады.

Атерогендік индекс — жүрек-қантамыр ауруларының даму қаупін бағалауға мүмкіндік беретін көрсеткіш.

Талдау қандағы глюкоза деңгейін анықтайды және қант диабеті мен предиабетті диагностикалауға, сондай-ақ осы аурулары бар пациенттердің жағдайын қадағалауға және емнің тиімділігін бақылауға көмектеседі.

Зерттеу соңғы үш айдағы қан глюкозасының орташа шоғырлануын анықтайды. Талдау қант диабеті мен предиабетті ерте диагностикалау және осы ауруларды емдеудің тиімділігін бақылау үшін қолданылады.

Аланинаминотрансфераза (АЛТ) — негізінен бауыр жасушаларында болатын фермент. Олар бұзылғанда фермент қан ағымына артық мөлшерде түседі. АЛТ-ға қан талдауы бауыр ауруларын анықтауға, сондай-ақ оларды емдеудің тиімділігін бағалауға көмектеседі. Бұдан бөлек, зерттеу гепатоуытты препараттарды ұзақ қабылдайтын пациенттердің денсаулығын бақылау үшін қолданылады.

Аспартатаминотрансфераза (АСТ) — негізінен бауыр мен жүрек бұлшықетінің жасушаларында болатын фермент. Осы ағзалар зақымданғанда фермент қан ағымына артық мөлшерде түседі. АСТ-ға қан талдауы жүрек пен бауыр ауруларын анықтауға, сондай-ақ оларды емдеудің тиімділігін бағалауға көмектеседі. Бұдан бөлек, зерттеу гепатоуытты препараттарды ұзақ қабылдайтын пациенттердің денсаулығын бақылау үшін қолданылады.

Амилаза — көмірсуларды қорытуға жауап беретін фермент. Зерттеу қандағы амилаза деңгейін бағалауға және ұйқы безі мен сілекей бездерінің ауруларын анықтауға мүмкіндік береді.

Лактатдегидрогеназа (ЛДГ) — көмірсу алмасуына қатысатын жасушаішілік фермент. ЛДГ деңгейін зерттеу жүрек, өкпе, бауыр, бүйрек жұмысындағы патологияларды, кейбір онкологиялық ауруларды, сондай-ақ бұлшықет тінінің деструкциясын алғашқы диагностикалау үшін қолданылады. ЛДГ деңгейінің қалыптан ауытқуы пациентті кешенді тексеруден өткізу үшін жеткілікті негіз бола алады.

Гамма-ГТ (гамма-глутамилтранспептидаза немесе гамма-глутамилтрансфераза) — бауыр мен ұйқы безінің ферменті. Қандағы гамма-ГТ деңгейін зерттеу холестазды — өттің іркілуін ерте кезеңде анықтауға мүмкіндік береді. Сондай-ақ гепатитті, холангитті және бауыр мен өт жолдарының басқа ауруларын диагностикалау және емдеудің тиімділігін бақылау үшін қолданылады. Гамма-ГТ-ның оқшау жоғарылауы алкогольді теріс пайдаланатын адамдарда, сондай-ақ бауыр стеатозы (майлы дистрофиясы) бар пациенттерде байқалуы мүмкін.

Зерттеу қандағы альбумин ақуызының мөлшерін бағалауға мүмкіндік береді. Бауыр және бүйрек патологияларын анықтау үшін қолданылады. Басқа талдаулармен бірге тамақтану жағдайын бағалау үшін тағайындалуы мүмкін.

«Сілтілі фосфатаза» термині фосфордың сіңуін қамтамасыз ететін ферменттер тобын білдіреді. Қандағы сілтілі фосфатаза деңгейін анықтау бауыр, өт шығару жолдары және сүйек тінінің ауруларын анықтауға көмектеседі.

Зерттеу бауыр мен өт шығару жолдарының ауруларын диагностикалау үшін қандағы өт пигменті — билирубин мен оның фракцияларының деңгейін анықтауға мүмкіндік береді. Сондай-ақ билирубинге талдау гемолиздік анемияны анықтауға көмектеседі.

Зерттеу қандағы кальций мөлшерін анықтайды және оның тапшылығы мен артық болуын, сондай-ақ қалқанша без, қалқанша маңы бездері, бүйрек, ішек ауруларын кешенді диагностикалау үшін қолданылады.

Калий, натрий және хлор — электролиттер, яғни ағзадағы су деңгейі мен қышқыл-сілті теңгерімін ұстап тұратын заттар. Талдау көптеген жедел және созылмалы аурулармен қатар жүретін электролиттер теңгерімсіздігін анықтауға көмектеседі.

Креатинин — күн сайын бұлшықеттерде түзіліп, бүйрек арқылы шығарылатын креатин аминқышқылының ыдырау өнімі. Креатининге талдау бүйрек жұмысындағы бұзылыстарды анықтауға көмектеседі.

Несепнәр — бауырда түзіліп, содан кейін қан ағымымен бүйрекке түсетін және зәрмен шығарылатын ақуыз ыдырауының өнімі. Қандағы несепнәрді зерттеу бүйректің шығару қызметін бағалауға мүмкіндік береді.

С-реактивті ақуыз қабыну процесінің ерте және ең сезімтал көрсеткіші болып табылады. Зерттеу қабынудың дәрежесін анықтауға, асқыну қаупін бағалауға, емдеуді бақылауға көмектеседі.

Несеп қышқылы — ақуыздар құрамына кіретін химиялық қосылыстар — пуриндердің ыдырау өнімі. Қандағы несеп қышқылын зерттеу подаграны және зәр шығару жүйесінің патологияларын диагностикалау үшін қолданылады.

Зерттеу холестерин формаларының бірі — тығыздығы төмен липопротеидтердің (ТТЛП) деңгейін анықтайды. Жүрек-қантамыр ауруларының қаупін бағалау, сондай-ақ қандағы холестерин деңгейін төмендетуге бағытталған емді бақылау үшін қолданылады.

Талдау қан сарысуындағы темір деңгейін көрсетеді және осы микроэлементтің тапшылығын немесе артық болуын анықтауға мүмкіндік береді. Сонымен қатар зерттеу анемияларды дифференциалды диагностикалау және оларды емдеуді бақылау үшін қолданылады.

D дәрумені ағзаның кальций мен фосфорды сіңіруіне жауап береді — бұл элементтер сүйектердің саулығы үшін қажет. Сонымен қатар, «күн витамині» инфекциялармен күресуге және дұрыс салмақты сақтауға көмектеседі.

D дәрумені жетіспеушілігі остеопорозға, жиі суық тиюге және қан қысымының көтерілуіне әкелуі мүмкін.

Ферритин — ағзадағы темір қорын көрсететін индикатор. Исследование помогает оценить доступные резервы этого микроэлемента, диагностировать железодефицитные анемии или проконтролировать их лечение.

Қанда айналып жүретін барлық ақуыздардың жиынтық мөлшері. Егер ақуыз жеткілікті түссе, бауыр, бүйрек және басқа мүшелер толыққанды жұмыс істейді, ал иммундық жүйе вирустар мен бактерияларға қарсы тұра алады. Осы көрсеткіштің өзгеруі арқылы зат алмасу жағдайы мен жалпы денсаулық бағаланады.

Ақуыз алмасуының өнімі, ол күн сайын бұлшықеттерде түзіліп, бүйрек арқылы шығарылады. Егер бүйрек жұмысы бұзылса, креатинин қанда жиналып қалады, бұл ағзаның қабынуын, қант диабеті, артериялық гипертензия және басқа аурулар салдарынан зақымдануын көрсетуі мүмкін.

Ақуыздардың ыдырау өнімдерінің бірі, ол күн сайын бүйрек арқылы сүзіліп, сыртқа шығарылады. Несепнәр деңгейінің нормадан ауытқуы бүйрек пен бауыр ауруларын, үйлесімсіз тамақтануды және зат алмасу бұзылыстарын көрсетуі мүмкін.

Негізінен бүйрек арқылы шығарылатын ақуыз алмасуының өнімі. Зат алмасу бұзылғанда (подагра), бүйрек жұмысы нашарлағанда немесе дұрыс тамақтанбағанда, несеп қышқылының артық мөлшері буындарда немесе қуықта жиналып, артрит пен несеп-тас ауруына әкелуі мүмкін.

Бауыр мен бүйректің негізгі ферменттерінің бірі, аминқышқылдар алмасуына қатысады. АЛТ оларды глюкозаға айналдырады — жасушалардың негізгі энергия көзі. Бауыр зақымданғанда фермент қанға бөлініп, ауру белгілері әлі байқалмай тұрған ерте кезеңде бұзылыстардың маркері болады.

Негізінен бауыр мен жүрек жасушаларында болатын фермент. АСТ деңгейінің жоғарылауы бауыр қызметінің бұзылғанын көрсетеді. Әдетте оның қандағы өзгерісі ауру белгілері пайда болмай тұрып байқалады.

Ұйқы безінің ферменті, күрделі көмірсуларды қарапайым түрлерге ыдыратады. Қалыпты жағдайда қанда өте аз мөлшерде болады, себебі негізінен ішекте қолданылады. Деңгейінің жоғарылауы көбіне ұйқы безі патологиясын, сирек жағдайда сілекей бездері жұмысының бұзылуын көрсетеді.

Бауыр, ұйқы безі және өт жолдары жасушаларында болатын фермент. Оның деңгейі өттің іркілуі, алкогольді жиі қолдану салдарынан (гепатит, гепатоз кезінде) бауыр жасушаларының зақымдануы немесе майлануы кезінде жоғарылайды.

Бауыр жасушаларында және сүйектерде болатын фермент. Бауыр зақымданғанда қанға түсіп, сарғаю немесе ауырсыну сияқты белгілер пайда болмай тұрып, бұзылыстың ерте маркері болады. Сондай-ақ остеопорозды анықтауда маңызды.

Эритроциттердің ыдырауы нәтижесінде түзілетін және бауырда залалсыздандырылатын өт пигментінің улы фракцияларының бірі. Оның қандағы деңгейі арқылы бауыр жағдайын, ағзадағы бұзылыстарды және эритроциттердің шамадан тыс ыдырауын (гемолиз) бағалауға болады.

Электролиттер ағзадағы су деңгейін және қышқыл-сілтілік тепе-теңдікті сақтайды. Олардың тепе-теңдігін бүйрек, бүйрекүсті бездері және гипофиз реттейді. Қандағы калий, натрий және хлоридтер деңгейінің өзгеруі осы ағзалардың жұмысының бұзылу сипаты мен дәрежесін көрсетеді.

Иә! Сайттағы баға жеңілдік ескеріле отырып көрсетілген.

Жоқ, биоматериал алу жеңілдіксіз жүргізіледі.

Бағдарлама ережелері.