«Зиянды және пайдалы холестерин» кешеніне не кіреді?

«Зиянды және пайдалы холестерин» уақтылы шаралар қабылдау және инфаркт пен инсульттің алдын алу үшін жүрек-қан тамырлары ауруларының нақты даму қаупін бағалауға мүмкіндік береді.

• Холестерин - ТТЛП
• Холестерин - ӨТТЛП
• Атерогендік индексі

Холестерин - ТТЛП және холестерин - ӨТТЛП - атеросклероздың дамуына әкелуі мүмкін «жаман», атерогенді холестерин. Атеросклероз - инфаркт пен инсульттің негізгі себебі.

Қанда зиянды холестериннен басқа, пайдалы холестерин де айналмды болады. Ол қан тамырларының қабырғаларын қорғайды. Қандағы зиянды және пайдалы холестериннің концентрациясы туралы мәліметтер атерогендік индексті - қан тамырларының жай-күйінің объективті көрсеткішін есептеуге мүмкіндік береді.

Липидограмма - бұл әртүрлі фракциялардың липопротеидтерінің мөлшері мен қатынасын анықтау үшін қолданылатын зертханалық зерттеу. Ол липидтер алмасуының патологиясын анықтау, даму қаупін бағалау және жүрек-тамыр жүйесі ауруларының ағымын болжау үшін қолданылады.

Осы зерттеудің нәтижесі жүрек-қан тамырлары ауруларының даму қаупін кешенді, оның ішінде профилактикалық бағалауда пайдаланылуы мүмкін.

«Зиянды және пайдалы холестерин» зерттеулер кешені өз денсаулығы туралы толық және сенімді ақпаратты иеленгісі келетіндердің барлығына пайдалы болып келеді:

• жоғары холестерині бар адамдарға;
• жаңа COVID-19 коронавирустық инфекциясымен ауырған адамдарға;
• жиі стресс пен мазасыздықты сезінетіндер, ұйқысы жиі қанбайтындар, салауатты өмір салтын ұстанбайтындарға;
• спортпен шұғылдануға және тамақтануды бақылауға уақыттары жоқ адамдарға;
• отбасылық гиперхолестеринемиясы немесе жақындарындағы жүрек-қан тамырлары аурулары бар адамдарға;
• қант диабеті немесе предиабет, жүректің ишемиялық ауруы және артериялық гипертензия диагнозы қойылған адамдарға;
• 45 + жастағы ерлерге және 50+ жастағы әйелдерге.

«Зиянды және пайдалы холестерин» кешені — дені сау адамдар мен қауіпті топтағы адамдар үшін инфаркт пен инсульттің алдын алудың сенімді тәсілі.